Психологиялық-педагогикалық қолдау отырысы өтті

17.09.2026

Бүгін білім беру ұйымымызда оқушыларға психологиялық-педагогикалық қолдау көрсету мақсатында кезекті отырыс өтті.

Отырыста медициналық-дәрігерлік тексеру нәтижелері негізінде психологиялық-педагогикалық қолдауды қажет ететін 9 білім алушының оқу жағдайы қарастырылды. Аталған оқушылар жалпы сынып құрамында жеңілдетілген оқу бағдарламасы бойынша білім алуда.

Кездесу барысында білім алушылардың оқу жетістіктері, жеке ерекшеліктері, білім алу қажеттіліктері талқыланып, оқу үдерісін тиімді ұйымдастыру және қажетті қолдау көрсету бағыттары айқындалды.

Педагогтер мен мамандар оқушылардың білім алуына қолайлы жағдай жасау, оқу материалдарын меңгеру барысында қажетті қолдау көрсету және олардың әлеуетін дамыту бойынша өзара пікір алмасты.

Отырыстың қорытындысы бойынша әр білім алушының жеке қажеттіліктерін ескере отырып, алдағы психологиялық-педагогикалық қолдау жұмыстарының бағыттары белгіленді.