Мектепте әдістемелік бірлестіктердің отырысы өтті

14.10.2026

«Арайлы ауылының жалпы орта білім беретін мектебі» КММ-де 2026–2027 оқу жылына арналған әдістемелік жұмысты жетілдіру мақсатында әдістемелік бірлестіктердің отырысы өткізілді.

Отырыста директордың оқу ісі жөніндегі орынбасары А.К. Есбосынова  әдістемелік бірлестіктер жұмысының негізгі бағыттарын түсіндірді.

Кездесу барысында сабақ сапасын арттыру, оқу мақсаттарына қол жеткізу, білім алушылардың функционалдық сауаттылығын дамыту, педагогтердің кәсіби құзыреттілігін жетілдіру, цифрлық технологиялар мен жасанды интеллект құралдарын тиімді пайдалану мәселелері қарастырылды.

Сонымен қатар әдістемелік бірлестіктердің жұмысын нақты нәтижеге бағыттау, педагогтердің өзара тәжірибе алмасуын ұйымдастыру, сабақтарды бақылау және талдау, білім сапасының мониторингін жүргізу, анықталған мәселелер бойынша әдістемелік қолдау көрсету жолдары талқыланды.

А.К. Есбосынова әдістемелік жұмыстың басты мақсаты тек жоспарланған іс-шараларды өткізу емес, педагогтердің кәсіби дамуына ықпал ету және оқушылардың білім сапасын арттыру екенін атап өтті.

Отырыс қорытындысы бойынша әдістемелік бірлестіктердің жұмысын мектептің даму мақсаттарымен байланыстыруға, сабақ сапасын жетілдіруге және педагогтердің кәсіби ынтымақтастығын нығайтуға басымдық беру ұсынылды.

Мектептегі әдістемелік жұмыстың негізгі бағыты – сапалы сабақ, кәсіби дамыған педагог және білімді оқушы.